MTU MWENYE SILAHA AUWA WANAJESHI WANNE WA MAREKANI HUKO TENNESSEE

Mtu mwenye silaha amewaua kwa kuwapiga risasi wanajeshi wanne wa Marekani na kuwajeruhi wengine kadhaa katika majengo mawili ya Kikosi cha Jeshi cha Majini cha Marekani huko Chattanooga, Tennessee.

Mwanasheria wa wilaya amesema matukio hayo ya mashambulizi ya kutumia risasi yanachunguzwa na kusema kuwa kitendo hicho ni tukio la ugaidi wa ndani ya nchi.

Mtu huyo mwenye silaha alipigwa risasi na kufa ametambuliwa kuwa ni kijana wa miaka 24 Mohammad Youssuf Abdulazeez mzaliwa wa mashariki ya kati.

Rais Barack Obama amesema shambulio hilo ni la kuvunja moyo, na kuongeza kuwa mtuhumiwa alitekeleza uhalifu huo akiwa peke yake.

         Mtuhumiwa Mohammad mwenye fulana ya rangi ya chungwa akiwa na familia yake.

                                        Kikosi cha S.W.A. T. kikifanya ukaguzi katika eneo la tukio