MWANAMUZIKI PHARRELL WILLIAM APUNGUZIWA KIASI CHA FIDIA NA MAHAKAMA

Jaji wa mahakama amepunguza kiasi cha dola milioni 1, kutoka katika kiasi cha fidia aliyopaswa kulipa Pharrell Williams, kutokana na wimbo wake wa Blurred kuvunja sheria ya hati miliki.

Kesi hiyo ilihusu iwapo Williams na mwandishi mwenzake wa mashairi ya wimbo huo Robin Thicke walinakili kazi ya Marvin Gaye ya mwaka 1977 ya kibao chake cha Got To Give It Up.

Mwezi Machi, jopo la mahakama liliridhia familia ya Gaye kulipwa fidia ya dola milioni 7.3, lakini sasa Jaji wa mahakama ya Wilaya John A Kronstadt amepunguza fidia hiyo kuwa dola milioni 5.3.