SINDANO ZASABABISHA WATOTO KUPOOZA MIGUU NCHINI KENYA

Wazazi wa Teso Kaskazini nchini Kenya wamepigwa na butwaa kufuatia miguu ya watoto wao kuishiwa nguvu na kupooza baada ya kuchomwa sindano katika Zahanati.

Wakazi hao jana walilazimika kuvamia ofisi ya Gavana Sospeter Ojaamong, wakiwatuhumu wafanyakazi wa Zahanati ya Akichelesit kwa kuwadhuru watoto wao.

Karibu familia 30, zimesema watoto wao wamedhurika na ugonjwa wa ajabu baada ya kuchomwa sindano katika Zahanati hiyo.