BARALA LA MAIMAMU LAWAPONGEZA WAISLAMU WALIOWAZUIA WAKRISTO KUUWAWA

Baraza la Maimamu na Wahubiri nchini Kenya (CIKP) limewapongeza Waislamu waliowaepusha Wakristo kuuwawa na wapiganaji wa kundi la Al-Shabaab ambao walishambulia basi walilokuwa wakisafiria jumatatu asubuhi katika kaunti ya Mandera.

Katibu Mkuu wa Baraza hilo Sheikh Khalifa amesema kitendo walichofanya waislamu hao kinaonyesha Uislamu halisi, ambao unataka kila mtu kumlinda jirani yake.

Katika tukio hilo abiria Waislam waliwanusuru kifo abiria Wakristo kwa kuwapatia mavazi ya Kiislam pamoja na kukataa kutenganishwa na wenzao kama walivyoamuriwa na wapiganaji wa Al-Shabaab.