KOCHA WA CHELSEA JOSE MOURINHO AANZA KUKATA TAMAA KATIKA MSIMU HUU

Kocha wa Chelsea Jose Mourinho amekiri kuwa timu yake huenda isiweze kufuzu kuwania Ligi ya Mabingwa Ulaya katika msimu ujao baada ya jana kukubali kichapo cha bao moja kwa bila dhidi ya Bournemouth.

Kipigo hicho ni cha nane kwa mabingwa hao watetezi wa Kombe la Ligi Kuu ya Uingereza katika michezo 15 ya ligi hiyo na kuifanya kuwa nyuma kwa pointi 14 dhidi ya Manchester United, iliyokatika nafasi ya nne ya msimamo.

Mourinho amesema kabla ya mchezo huo kuwa lengo la Chelsea ilikuwa ni kufanikisha kuwepo kwenye nne bora, lakini baada ya kupata kipigo kutoka kwa Bournemouth, ndoto hiyo ni kama inafutika.

                  Glenn Murray akiifungia Bournemouth bao pekee katika mchezo huo 

       Diego Costa akilambwa kadi ya njano na refa licha ya kumpiga mkwara 

Wakati huo huo Kocha wa Manchester United, Louis van Gaal anaamini kuwa timu yake ingeweza kufunga magoli mengi katika msimu huu iwapo ingekuwa na washambuliaji kama Sergio Aguero ama Luis Suarez.

Louis van Gaal, ametoa kali yake hiyo baada ya kushuhudia timu yake ikitoka sare isiyokuwa na magoli dhidi ya West Ham, ikiwa ni sare ya tano katika michezo tisa ya Ligi Kuu ya Uingereza.