KARIM BENZEMA AREJESHAMAKALI WAKATI REAL MADRID IKIICHAKAZA GETAFE

Timu ya Real Madrid imerejea kwa kishindo baada ya kuondolewa kwenye kombe la Copa Del Rey, na kuichakaza Getafe katika Ligi Kuu ya Hispania La Liga huku Karim Benzema akifunga magoli yake ya kwanza tangu Oktoba.

Benzema, alipachika bao la kwanza baada ya kuunganisha pande alilopewa na Pepe, na baadae akapachika la pili lililotokana na mpira wa krosi iliyopigwa na Gareth Bale. Bale alipachika bao la tatu na Cristiano Ronaldo kufunga la nne kabla ya mapumziko.

Kapteni wa Getafe Alexis alifunga bao la kufutia machozi kwa kichwa katika kipindi cha pili, lakini Real Madrid walisimama imara ili kuhakikisha wanawafukuzia kileleni vinara wa ligi hiyo Barcelona.

            Cristiano Ronaldo akipachika bao kwa kuachia shuti licha ya kudhibitiwa

Matokeo mengine ya La Liga hapo jana ni Valencia 1 - 1 Barcelona, Granada CF 0 - 2 Atl Madrid, Deportivo de La Coruña 1 - 1 Sevilla na Real Betis 1 - 1 Celta de Vigo.