MBWANA SAMATTA AITOA KIMASOMASO TANZANIA TUZO ZA MCHEZAJI BORA WA CAF

Mtanzania Mbwana Samatta amechaguliwa kuwa mchezaji bora wa Afrika wa mwaka 2015 kwa wachezaji wa ndani ya Afrika na Shirikisho la Soka Barani Afrika (CAF) na kutwaa tuzo hiyo kwa mara ya kwanza kabisa.

Kwa upande wa mchezaji bora wa Afrika anayecheza nje ya Afrika mshambuliaji wa Gabon Pierre-Emerick Aubameyang amemshinda kwa kura chache Yaya Toure wa Ivory Coast na kushinda mchezaji bora wa mwaka.

Katika upigaji kura uliofanywa na makocha na wakurugenzi wa ufundi wa nchi wanachama wa CAF, Aubameyang alipata pointi 143 na kiungo wa Manchester City, Toure, akipata pointi 136.

Samatta na Aubameyang, wanakuwa wachezaji wa kwanza kutoka mataifa yao kuwahi kupata tuzo hizo kubwa barani Afrika.