MWANAMKE KENYA ACHOMWA KISU NA MWANAMME NA KUKWAMA KICHWANI

Madaktari wa hospitali ya Taifa ya Kenyatta Jijini Nairobi jana usiku walikabiliana na kibarua kigumu cha kuokoa maisha ya mwanamke ambaye alijeruhiwa vibaya kwa kisu katika ugomvi wa kifamilia uliotokea katika mji wa Wajir.

Bi. Fatuma Ibrahim, 32, alipata majeruhi ya paja, tumbo na mkono hata hivyo jeraha baya zaidi lilikuwa la kisu ambacho kimekwama kwenye fuvu la kichwa na madaktari wa hospitali ya rufaa ya Wajir walishindwa kukitoa na kumuhamishia hospitali ya Kenyatta.

Dk. Mohammed Hussein, akiongea na gazeti moja la huko Kenya amesema Bi. Fatuma alipokelewa hospitali ya Wajir juzi saa nane usiku akiwa na kisu kilichomchoma eneo la kushoto la uso wake baada ya kutokea ugomvi baiana yake na mwanaume.