UKUNGU WASABABISHA NDEGE ZA KQ KUSHINDWA KUTUA UWANJA WA JKIA

Ndege za shirika la KQ zilizokuwa zitue uwanja wa Kimataifa wa Jomo Kenyatta Jijini, Nairobi leo asubuhi zimelazimika kuagizwa kwenda kutua Mombasa kutokana na hali mbaya ya hewa.

Maafisa wamesema ndege hizo namba KQ765, KQ499 na KQ552 zimelazimika kwenda kutua Mombasa kutokana na kuwepo kwa ukungu mzito Jijini Nairobi.

Shirika la Ndege la Kenya Airways limesema sasa ndege zimeanza kutua tena uwanja wa Kimataifa wa Jomo Kenyatta kuanzia majira ya saa tatu.