WATUMISHI WA AFYA AMERIKA YA KUSINI WAHAHA KUDHIBITI VIRUSI VYA ZIKA

Watumishi wa afya wamekuwa wakipulizia dawa kwenye nyumba, shule pamoja na makaburini Amerika ya Kusini, katika harakati za kujaribu kudhibiti kusambaa kwa virusi vya Zika vilivyotangazwa leo kuwa janga la kiafya dharura duniani.

Shirika la Afya Duniani (WHO) limesema mlipuko wa ugonjwa huo ni tatizo la kiafya la dharura Kimataifa na kuuweka ugonjwa huo unaosambazwa na mbu katika daraja moja na ugonjwa wa Ebola, uliouwa watu elfu 11 Afrika Magharibi.

Shirika la Afya Duniani limekadiria kuwa watu wengi wanaoweza kufikia milioni 4 wataambukizwa na virusi vya Zika mwaka huu.

      Mtumishi wa Afya huko Lima akipulizia dawa makaburini kuuwa mazalia ya mbu

        Mtoto aliyezaliwa na kichwa kidogo kutokana na maambukizi ya virusi vya Zika