KOCHA WA INTER MILAN ROBERTO MANCINI AFUNGIWA MCHEZO MMOJA NA KUPIGWA FAINI

Kocha wa Inter Milan Roberto Mancini amefungiwa mchezo mmoja baada ya kuonyesha ishara ya matusi katika mchezo wa jumapili wa mahasimu wa soko wa Milan.

Kocha huyo wa zamani wa Manchester City alishindwa ustaarabu baada ya Inter kuchapwa mabao 3-0 na AC Milan katika mchezo wa Serie A.

Mancini alikasirishwa na kitendo cha timu yake kunyimwa penati wakati wa kuwania mpira baina ya kipa wa AC Milan Gianluigi Donnarumma na mshambuliaji wa Inter Milan Eder.

Kosa hilo pia limemfanya Roberto Mancini, kupigwa faini ya euro 5,000 sawa na paundi 3,782.