HATIMAYE RAIS UHURU KENYATTA AFANYA MAZUNGUMZO NA RAILA ODINGA

Chama cha Jubilee na kambi ya upinzani ya CORD jana wamekubaliana kuanza mazungumzo majadiliano kuhusu Tume Huru ya Uchaguzi na Mipaka IEBC, jambo ambalo litasaidia kupunguza mvutano baina ya serikali na upinzani.

Makubaliano hayo yamefikiwa Ikulu Jijini Nairobi, kati ya rais Uhuru Kenyatta, Naibu rais William Ruto na kwa upinzani viongozi wa CORD wakiwakilishwa na Raila Odinga na Moses Wetang’ula.

Mkutano huo pia uliondoa mvutano wa kuwa na mikutano miwili ya sherehe za Siku ya Madaraka, ambapo Rais Uhuru Kenyatta alimualika Raila Odinga katika maadhimisho ya kitaifa ya Siku ya Madaraka Nakuru kwenye Uwanja wa Nakuru hii leo.