MIJI INAYOCHEZWA EURO 2016 YATAKIWA KUPIGA MARUFUKU POMBE KARIBU NA VIWANJA

Serikali ya Ufaransa imeisihi miji ambayo michezo ya Euro 2016 inachezwa kupiga marufuku pombe karibu na viwanja na makazi ya mashabiki wa mpira.

Kauli hiyo ya serikali ya Ufaransa imekuja baada matukio ya siku tatu ya mapambano baina ya mashabiki na polisi huko Marseille.

Shirikisho la Sola Barani Ulaya (Uefa) linachunguza baada ya mashabiki wa Urusi kuonekana wakiwakimbiza mashabiki wa Uingereza uwanjani na kuwapiga baada ya kutoka sare ya goli 1-1. Pia Uefa imetishia kuzifungia timu za Urusi na Uingereza iwapo zitasababisha ghasi zaidi.

Serikali ya Uingereza imesema ipo tayari kutuma polisi wake wa ziada kuelekea mchezo wa Uingereza ujao huko Lens utakaopigwa siku ya Alhamis.

     Mashabiki wa Urusi wakiwashambulia mashabiki wa Uingereza wanaokimbia