MISRI NA SENEGAL ZATINGA FAINALI ZA MATAIFA YA AFRIKA MWAKA 2017

Nchi za Misri na Senegal zimefanikiwa kufuzu Fainali za Mataifa ya Afrika mwaka 2017 (AFCON) itakazochezwa nchini Gabon, kwa kupata ushindi katika michezo yao iliyochezwa hii leo.

Winga wa Roma Mohamed Salah alifunga magoli yote ya Misri katika ushindi wa mabao 2-0 dhidi ya Taifa Stars ya Tanzania, na kurejea katika fainali hizo kwa mara ya kwanza tangu mwaka 2010.

Timu ya Senegal nayo ilikata tiketi ya kwenda Gabon mwaka 2017, shukrani kwa magoli yaliyofungwa na wachezaji wa ligi kuu ya Uingereza, Sadio Mane na Mame Biram Diouf, waliyoipatia magoli 2-0 dhidi ya Burundi.