ANDY MURRAY ABAKIZA MCHEZO MMOJA TU KUSHINDA ILI KUWA NAMBA MOJA DUNIANI

Raia wa Scotland Andy Murray amebakiza ushindi mmoja tu kuweza kuwa mchezaji tenesi namba moja duniani, kufuatia Novak Djokovic kujikuta akishindwa na Marin Cilic kwenye michuano ya Paris Masters.

Djokovic aliyekuwa akihitaji kutinga fainali za michuano hiyo ili kuendelea kuitetea nafasi yake hiyo ya mchezaji bora namba moja dunani alijikuta akipoteza bila ya kutarajia kwa seti 6-4 7-6 (7-2) dhidi ya Cilic katika mchezo wa robo fainali.

Mchezaji namba mbili dunia kwa mchezo huo Murray yeye alimfunga Czech Tomas Berdych kwa seti 7-6 (11-9) 7-5 na sasa atacheza na ria wa Canada Milos Raonic katika nusu fainali itakayochezwa leo. Iwapo atashinda Murray atakuwa namba moja kwa mara ya kwanza.