MAREKANI YAMUUWA KIONGOZI MMOJA MWANDAMIZI WA AL-QAEDA

Marekani imethibitisha kifo cha kiongozi mwandamizi wa al-Qaeda aliyeshambuliwa na ndege inayojiendesha yenyewe kaskazini mashariki mwa Afghanistan.

Kiongozi huyo Farouq al-Qahtani, ambaye ni kiongozi pekee katika eneo hilo aliuwawa wiki mbili zilizopita katika shambulizi ambalo Pentagon imesema limefanikiwa.

Al-Qahtani ambaye ni mzaliwa wa Saudi aliwekwa kwenye orodha ya magaidi wanaotafutwa mno na Marekani mwezi Februari.