BARCELONA YAIPA KIPIGO CHA MAMA MKANYE MWANAO LAS PALMAS

Luis Suarez ametupia wavuni magoli mawili wakati Barcelona ikipunguza tofauti ya pointi na vinara wa ligi ya La Liga Real Madrid kuwa pointi mbili, baada ya kuichakaza Las Palmas.

Suarez alinasa pasi ya Andre Gomes na kufunga goli pekee katika nusu ya kwanza ya mchezo, na kisha wenyeji Barcelona wakafunga magoli matatu ya haraka katika kipindi cha pili.

Lionel Messi alifunga goli na kisha Suarez na kuachia shuti zuri lililotinga kwenye kona ya goli, kabla ya Arda Turan kufanya matokeo kuwa 4-0.

Goli la kwanza la Aleix Vidal kwa klabu yake ya Barcelona alilofunga kupitia pasi ya Paco Alcacer pass, lilikamilisha kipigo cha magoli 5-0.

                        Luis Suarez akiwa ameachia shuti lililojaa wavuni na kuandika goli

                            Lionel Messi akitumbukiza wavuni mpira na kuandika goli la pili