CHELSEA HAIKAMATIKI YAZIDI KUJICHIMBIA KILELENI MWA LIGI

Marcos Alonso amefunga mara mbili wakati Chelsea ikishinda Leicester kwa magoli 3-0 na kujikita kileleni mwa Ligi Kuu ya Uingereza kwa tofauti ya pointi saba, licha ya Diego Costa kutocheza.

Chelsea walikuwa bila mfungaji wao huyo magoli anayeongoza, baada ya kutofautiana na kocha kwenye mazoezi kutokana na kutokuwa fiti kimchezo, na kunataarifa kapewa ofa nono ya kuhamia ligi ya China.

Hata hivyo hali hiyo haikuwaathiri na alikuwa Eden Hazard aliyemtengea pasi Alonso na kufunga ndani ya dakika sita tu za mchezo, Mhispania huyo aliongeza la pili katika kipindi cha pili na Pedro kukamilisha goli la tatu.

                      Mpira uliopigwa na Marco Alonso ukijaa wavuni na kuandika goli la kwanza

                  Pedro akiwa ameruka juu na kuupiga mpira kwa kichwa uliozaa goli la tatu