BOMO LA NDEGE YA JESHI YA NIGERIA LAUWA RAIA KWA BAHATI MBAYA

Ndege ya jeshi la Nigeria imedondosha kimakosa bomu kwenye kambi ya wakimbizi wa ndani Kaskazini-Mashariki mwa nchi hiyo na kuuwa watu 52 pamoja na kujeruhi wengine kadhaa.

Watumishi wa misaada ni miongoni mwa watu waliokufa katika kambi ya Rann, ambapo Chama cha Msalaba Mwekundu kimesema wafanyakazi wake sita wameuwawa katika tukio hilo.

Shirika la misaada la Madkatari Wasio na Mipaka (MSF) limesema zaidi ya watu 200, wamejeruhiwa wameomba msaada wa usafri wa majeruhi kutoka kambi hiyo.

Rais Muhammadu Buhari, ambaye jeshi lake linapigana na kundi la Boko Haram ameonyesha kusikitishwa na tukio hilo na kuomba utulivu.