TOTTEHAM YAICHAKAZA WEST BROM NA KUKWEA HADI KATIKA NAFASI YA PILI

Harry Kane amefunga magoli matatu yaani hat-trick wakati Tottenham ikikwea hadi katika nafasi ya pili ya msimamo wa Ligi Kuu ya Uingereza na kuichakaza West Brom kwa magoli 4-0 katika dimba la White Hart Lane.

Totteham wamefikia rekodi yao ya kushinda michezo sita mfululizo ya Ligi Kuu ya Uingereza kiulaini wakiwasambaratisha wageni wao, huku wakimiliki mpira kwa asilimia 78 katika kipindi cha kwanza na kupiga mashuti kumi langoni.

Kane alifunga kiufundi kwa kunyanyua juu mpira uliojaa wavuani, na kisha baadaye a jitihada binafsi za Christiani Erksen kuzaa goli la kujifunga la Gareth McAuley na kufanya matokeo kuwa mbili bila.

Mshambuliaji huyo wa Uingereza Kane, ambaye amekuwa baba wiki hii alifunga goli lake la pili akiunganisha krosi ya Kyle Walker na kisha kukamilisha kwa kufunga lake la tatu lililomshinda kipa Ben Foster.

   Kipa Ben Foster akiwa amepotea mahesabu kuzuia mpira uliopigwa na Harry Kane

Kipa Ben Foster akibakia kuuangalia mpira uliogongwa na Gareth McAuley na kuzaa goli la kujifunga