MABINGWA WATETEZI BARCELONA YATANGULIA FAINALI YA KOMBE LA COPA DEL REY

Luis Suarez amefunga na kutolewa nje kwa kadi nyekundu wakati Barcelona waliobakia tisa uwanjani wakitinga fainali ya kombe la Copa del Rey, kwa ushindi wa matokeo ya jumla ya magoli 3-2.

Suarez alifunga goli katika dakika ya 43, kisha baadaye mchezaji wa Barcelona Sergi Roberto na Yannick Carrasco wa Atletico Madrid wakatolewa nje kwa kadi nyekundu baada ya kupewa kadi mbili za njano.

Kevin Gameiro akitokea benchi alikosa penati lakini baadaye akasawazisha makosa na kuisawazishia Atletico Madrid. Suarez alionyeshwa kadi ya pili ya njano na kutolewa nje, na goli la Antoine Griezmann lilikataliwa kutokana na kuwa ameotea.

Mabingwa watetezi Barcelona sasa watakutana na ama Alaves au Celta Vigo katika fainali, baada ya timu hizo kukutana hii leo katika mchezo wao wa pili wa nusu fainali ya kombe la Copa del Rey.

                                Luis Suarez akishangilia baada ya kufunga goli katika mchezo huo

                  Lionel Messi akiugulia maumivu baada ya kukatwa buti katika mchezo huo