CRISTIANO RONALDO AFUNGA 'HAT-TRICK' MADRID IKIITOA BAYERN MUNICH

Cristiano Ronaldo amefunga magoli matatu 'hat-trick' baada mabingwa watetezi Real Madrid wakifanikiwa kuifunga kiutata Bayern Munich katika muda wa nyongeza na kutinga nusu fainali ya Ligi ya Mabingwa Ulaya.

Kiungo wa Bayern Munich, Arturo Vidal alitolewa kwa kadi nyekundu katika dakika ya 84 ya mchezo, huku Ronaldo akiwa ameotea alifunga goli la pili la Real madrid katika muda wa nyongeza.

Ikiwa inahitaji magoli mawili ili kusonga mbele, Bayern iliongoza wakati Robert Lewandowski alipofunga kwa kujiamini mkwaju wa penati, lakini Madrid walipambana na Ronaldo kufunga krosi ya Casemiro kwa kichwa.

Bayern ilipata goli la pili baada ya Sergio Ramos kujifunga na kulazimisha kwenda katika muda wa ziada, lakini walijikuta wakitetereka pale Ronaldo alipoifungia Madrid goli la pili na kisha kuongeza la tatu na baadaye Marco Asensio akafunga la nne.

                                Cristiano Ronaldo akiupiga kwa kichwa mpira na kufunga goli 

                                           Robert Lewandowski akifunga goli kwa mpira wa shuti 

                       Sergio Ramos akijifunga na kumpoteza mahesabu kipa wao Kaylor Navas