EVERTON YAIZAMISHA LEICESTER LUKAKU AKITUPIA MBILI

Everton imepata ushindi wake wa saba mfululizo wakiwa katika dimba la nyumbani huku Romelu Lukaku akitupia wavuni mawili na kuizamisha Leicester City kwa magoli 4-2 ikiwa ni kipigo cha kwanza kwa kocha Craig Shakespeare.

Alikuwa Tom Davies aliyewafungia wenyeji goli la kwanza katika sekundi ya 30, kabla ya Leicester kucharuka na kufunga kupitia Islam Slimani na kuongeza la pili kupitia mpira wa adhabu uliopigwa na Marc Albrighton.

Lukaku alifunga kwa kichwa mpira wa krosi ya Ross Barkley na kufanya matokeo kuwa 2-2 kabla ya Phil Jagielka kuachiwa nafasi ya kutosha na kuiadhibu Leicester kwa kufunga goli la tatu, na kisha baadaye Lukaku akaongeza la nne.

                                        Romelu Lukaku akifunga goli kati ya magoli yake mawili

                           Mpira wa adhabu uliopigwa na Marc Albrighton ukitinga wavuni