ALEXIS SANCHEZ NA OLIVIER GIROUD WAIPANDISHA ARSENAL NAFASI YA TANO

Timu ya Arsenal imezidi kuweka hai matumaini yake ya kumaliza katika nafasi za nne za juu za Ligi Kuu ya Uingereza baada ya kufunga magoli mawili katika kipindi cha pili yaliyofungwa na Alexis Sanchez na Olivier Giroud na kuibuka na ushindi wa 2-0 dhidi ya Southampton.

Katika mchezo huo wa jana kipindi cha kwanza hakikuwa na soka la kuvutia na kiliisha bila nyavu kutikiswa, lakini kilipoanza kipindi cha pili alikuwa Sanchez aliyeanza kutikisa nyavu kwa kuwahadaa mabeki wawili na kuutumbukiza mpira kimiani.

Giroud aliyekuwa akitokea benchi kwa aliipatia Arsenal goli la pili kwa mpira wa kichwa cha karibu na goli, dakika chache tu tangu aingie dimbani.

                       Alexis Sanchez akiifungia Arsenal goli la kwanza katika mchezo huo 

                 Olivier Giroud akiruga juu na kuupiga kwa kichwa mpira na kufunga goli