MKE WA WAZIRI MKUU MPYA WA LESOTHO AUWAWA KWA KUPIGWA RISASI

Mke machachari wa Waziri Mkuu mpya wa Lesotho, Thomas Thabane, amepigwa risasi na kufa siku mbili kabla ya mumewe kuapishwa rasmi.

Mke huyo aitwae Lipolelo Thabane, 58, alikuwa akisafiri kuelekea nyumbani pamoja na rafiki zake wote wanawake wakati aliposhambuliwa kwa risasi.

Polisi nchini Lesotho wamesema haijajulikana nini haswa sababu ya kufanyika shambulizi hilo, ila uchunguzi zaidi unaendelea.

Wanandoa hao walikuwa wakiishi kila mtu kwake tangu mwaka 2012  na walikuwa wameshafungua kesi ya kutalikiana ambayo bado haijaamuliwa.