MANNY PACQUIAO ADUNDWA NA ALIYEKUWA MWALIMU WA SHULE

Bondia aliyewahi kuwa mwalimu Jeff Horn amemduwaza bingwa Manny Pacquiao na kushinda pambano la dunia la mkanda wa WBO uzito wa welterweight kwa ushindi wa pointi huko Brisbane.

Majaji wote watatu waliokuwa wakisimamia pambano hilo wametoa pointi 117-111, 115-113, 115-113 kwa bondia huyo mwalimu Muastralia.

Baada ya kutolewa matokeo hayo Pacquiao alisikika akisema kuwa huo ni uamuzi wa majaji na yeye anauheshimu.

Bondia huyo Mfilipino ambaye ameshakuwa bingwa wa dunia wa uzito huo mara nane, sasa ameshapoteza mapambano manne kati ya tisa aliyopigana hivi karibuni.

                Manny Pacquiao akiwa amerusha konde lililompata shingoni Jeff Horn

           Bondia Jeff Horn akiwa amemtupia konde la mbavuni bondia Manny Pacquiao

           Mwalimu aliyeachana na chaki, Jeff Horn akimdhibiti vilivyo Manny Pacquiao

                                    Jeff Horn akimshindilia mangumi bondia Manny Pacquiao 

                             Bondia Jeff Horn akimshindilia ngumi za chini Manny Pacquiao