TAIFA STARS KUVAANA NA ZAMBIA NUSU FAINALI COSAFA

Mwenyeji Afrika Kusini ametolewa nje ya michuano ya Kombe la Cosafa Castle jana na Tanzania ambayo imetinga nusu fainali ya michuono hiyo kwa ushindi wa goli 1-0, huku nao Zimbabwe wakitinga hatua hiyo.

Mchezaji Ovidy Kararu alifikisha magoli 6 katika michuano hiyo wakati Zimbabwe ikihimili uchovu na kuifunga Swaziland kwa magoli 2-1 katika dimba la Royal Bafokeng Sports Palace nchini Afrika Kusini.

Mapema katika mchezo wa wali timu ya Taifa Stars ya Tanzania, ambayo nayo ilipitia ratiba ngumu ya michuano hiyo katika mzunguko wa kwanza iliwaduwaza mabingwa watetezi na Afrika Kusini kwa goli lililofungwa na Elias Maguri dakika ya 18.

Elias Maguri akiwa amepozi na tuzo yake ya mchezaji bora wa mechi pamoja na mashabiki wa Tanzania