MKE WA RAIS MUGABE ASHINDWA KUFIKA MAHAKAMANI AFRIKA KUSINI KWA KOSA LA SHAMBULIZI

Mke wa rais wa Zimbabwe Grace Mugabe ameshindwa kutokea mahakamani katika mahakama ya Afrika Kusini kubabiliana na kesi ya shambulizi la kudhuru mwili licha ya maafisa kusema atafika mahakamani.

Polisi nchini Afrika Kusini wametoa taarifa baadaye mchana kuwa hawajui alipo Mama Mugabe.

Mwanamke mwenye umri wa miaka 20 raia wa Afrika Kusini anamtuhumu Mama Mugabe kwa kumpiga kichwani na waya wa umeme wakati ulipotokea mzozo baina yao hotelini.

Mwanamke huyo ametoa picha ikionyesha akiwa na jeraha lililochimbika sehemu ya juu ya uso wake. Hata hivyo Grace Mugabe hajatoa kauli yoyote kuhusiana na tukio hilo.