BLAISE MATUIDI AING'ARISHA UFARANSA IKIONGOZA KUNDI A

Shambulizi la Blaise Matuidi katika dakika ya tatu limetosha kuipatia Ufaransa pointi tatu na kuongoza kundi A, huku ukiwa umebakia mchezo mmoja wa kuwania kutinga fainali za kombe la dunia.

Kikosi cha Ufaransa kinachonolewa na Didier Deschamps, kilipata goli hilo lililofungwa na Matuidi baada kugongeana vyema baina ya wachezaji Lucas Digne na Antoine Griezmann na kuizamisha Bulgaria.

Wakati Sweden wakisafiri kwenda Uholanzi katika mchezo wao wa mwisho wakiwa pointi moja nyuma, Ufaransa sasa inaweza kukata tiketi ya kutinga fainali za kombe la dunia jumanne iwapo itaifunga Belarus. 

             Mfaransa Blaise Matuidi akijipinda na kufunga goli pekee katika mchezo huo

   Kiungo wa Chelsea N'Golo Kante akishikilia misuli ya paja wakati akitoka nje baada ya kuumia