ALIYEKUWA MKUU WA MKOA WA MANYARA JOEL BENDERA AFARIKI DUNIA

Aliyekuwa Mkuu wa Mkoa wa Manyara, Dkt. Joel Bendera ( pichani ) amefariki dunia katika Hospitali ya Taifa Muhimbili.

Marehemu Joel Nkaya Bendera alipokelewa katika hospitali ya Taifa Muhimbili saa 6:03 mchana na kupelekwa kwenye huduma ya matibabu ya dharula, lakini ilipofika saa 10:24 jioni aliaga Dunia.

Bendera amewahi kuwa Mkuu wa Mkoa wa Morogoro na Naibu Waziri wa Habari, Utamaduni na Michezo. 

Pia wanamichezo watamkumbuka sana Joel Bendera kama kocha wa Taifa Stars iliyoshiriki michuano ya kombe la mataifa ya Afrika mwaka 1980 nchini Nigeria.