BASI LAGONGANA NA LORI KENYA NA KUUWA WATU 36

Watu wapatao 36 wamekufa katika ajali ya barabarani baada ya basi lililojaa abiria likielekea Nairobi kugongana na lori katika eneo la Migaa katika barabara kuu ya Nakuru-Eldoret.

Miongoni mwa waliokufa ni pamoja na dereva wa lori pamoja na utingo wake ambao lori lao lilikuwa linaelekea Eldoret, ambapo miili 28 ya watu waliokufa papo hapo imetolewa kwenye eneo la ajali hiyo mbaya.

Watu 30 wameripotiwa kufa papo hapo na wengine wanne walifariki duniani baadaye wakipatiwa matibabu ya majeraha yao kwenye hospitali ya Nakuru Level Five.

Miongoni mwa wanne waliokufa hospitali ni watoto watatu wenye umri wa miezi miwili, mtoto wa miaka miwili mmoja na wa miaka 10 mmoja pamoja na mtu mzima mwenye umri wa miaka 35.