CRISTIANO RONALDO AWEKA REKODI NYINGINE LIGI YA MABINGWA ULAYA

Mshambuliaji wa Real Madrid, Cristiano Ronaldo, amekuwa mchezaji wa kwanza kuifungia magoli timu yake katika michezo yote ya makundi ya Ligi ya Mabingwa Ulaya katika msimu wakati wakiifunga Borussia Dortmund magoli 3-2.

Cristiano Ronaldo aliachia shuti zuri na kufunga goli hilo lililomfanya kuweka rekodi nyingine na kufikisha magoli tisa katika michuano hiyo msimu huu wakati mabingwa hao watetezi wakitinga hatua ya 16 bora.

Ronaldo ameshafunga jumla ya magoli 114 katika michuano ya Ligi ya Mabingwa Ulaya akimpita Lionel Messi wa Barcelona kwa tofauti ya magoli 17. Real Madrid inanafasi kwa asilimia 50 kukutana na timu ya Uingereza katika hatua ya 16 bora.

Kipa wa Borussia Dortmund akibaki anauangalia mpira uliopigwa na Cristiano Ronaldo ukijaa wavuni

Mshambuliaji Pierre-Emerick Aubameyang akifunga goli kati ya magoli yake mawili aliyoifungia Borussia Dortmund