TAASISI YA UK YASEMA WANAWAKE WABAKWA MAGEREZANI NA MAAFISA USALAMA DRC

         Baadhi ya wanajeshi DRC walihukumiwa kifungo kwa kubaka mwezi Mei

Taasisi ya Uingereza imesema kuwa maafisa usalama wamekuwa wakiwabaka mara kwa mara wanawake magerezani katika nchi ya Jamhuri ya Kidemokrasia ya Kongo kama adhabu ya misimamo yao ya kisiasa.

Taasisi hiyo ya Freedom From Torture imesema ripoti za kitabibu zilizofanywa kwa wanawake 34 zimeonyesha wengi ya wanawake wamebakwa na makundi ya wanaume.

Wanawake hao ambao miongoni mwao ni wafanyabiashara na wanataaluma nyingine wenye umri kati ya miaka 18 hadi 62 wanatafuta hifadhi nchini Uingereza.