UINGEREZA YA BANWA NA ECUADOR HUKU ALEX OXLADE-CHAMBERLAIN AKIUMIA

Raheem Sterling alijikuta akitolewa kwa kadi nyekundu huku Alex Oxlade-Chamberlain akipata jeraha la goti wakati Uingereza ikicheza mpira usioeleweka na kujikuta ikitoka sare ya mabao 2-2 na Ecuador katika mchezo wa kujiandaa na Kombe la Dunia huko Miami, Marekani.

Mchezaji huyo kijana wa Liverpool Sterling alitolewa mnamo dakika ya 11 baada ya kugombana na mchezaji wa Manchester United Antonio Valencia ambaye naye aliambulia kadi nyekundu kwa kukasirishwa baada ya kuchezewa vibaya na Sterling, katika mchezo huo ambao Wayne Rooney na Lambert walipachika mabao.

Matokeo mengine ya mechi hizo za kirafiki za Kimataifa yalikuwa ni Uholanzi 2 - 0 Wales, Italia 1 - 1 Luxembourg, Ugiriki 0 - 0 Nigeria, Mexico 0 - 1 Bos-Herce, Gibraltar 1 - 0 Malta, Algeria 2 - 1 Romania, Hungary 1 - 0 Albania, Iceland 1 - 0 Estonia na Argentina 3 - 0 Trinidad and Tobago.