CHAMA CHA NGUMI KENYA CHAPITISHA BAKULI KUSHIRIKI MICHUANO YA AFRIKA

Chama cha Ngumi nchini Kenya (BAK) kinahitaji shilingi milioni 7 ili kuweza kuipeleka timu yote ya mabondia 12 katika Michuano ya Kombe la Mataifa ya Afrika itakayofanyika East London nchini Afrika Kusini kuanzia Juni 14 hadi 25.

Kiongozi wa chama hicho John Kameta amesema kutuma kikosi chote cha timu ya mabondia katika michuano hiyo mikubwa ya Afrika kutaongeza fursa ya matarajio yao ya kupata medali nyingi.

Kameta aliyekuwa akiongea jana huko Mombasa amesema wamepokea mwaliko kutoka kwa wenzao wa Afrika Kusini na tayari wameshaiarifu Wizara ya Michezo pamoja na Kamati ya Taifa ya Olimpiki Kenya juu ya suala hilo.