LIBERIA YAIOMBA MAREKANI DAWA MPYA YA ZMAPP KUJARIBU KUTIBU EBOLA

Nchi ya Liberia itapokea dawa ambayo haijafanyiwa majaribio ya Zmapp, ili kuwatibu watu wanaougua ugonjwa hatari wa Ebola.

Rais wa Liberia Ellen Johnson Sirleaf, amesema hatua hiyo inatokana na ombi la nchi yake kwa Marekani ili kupatiwa dawa hizo.

Hatua hiyo imekuja wakati wataalamu wa tiba wakikutana Jijini Geneva katika kujadili namna ya kutumia tiba hiyo mpya ya dawa za Zmapp.

Shirika la Afya Duniani (WHO) ambalo ndio mwenyeji wa mkutano huo limesema jumla ya watu 1,013 wamekufa kwa ugonjwa wa Ebola Afrika Magharibi.