WAKRISTO WENGI WA IRAK WAKIMBIA MJI ULIOTWALIWA NA WAPIGANAJI WA KIISLAM

Maelfu ya wakristo wameripotiwa kukimbia mji uliotwaliwa na wapiganaji wa Kiislam wa kundi la IS nchini Irak.

Kundi hilo la Dola ya Kiislam limeutwaa mji wa Qaraqosh ulipo mkoa wa Nineveh usiku wa kuamkia leo na kuvitimua vikosi vya Kikurdi.

Shirika moja la Kimataifa la Kikristo limesema karibu robo ya wakristo wa Irak wanaishi mji wa Qaraqosh pamoja na miji mingine inayouzunguka.