URUSI YAMUONGEZEA JASUSI WA MAREKANI MSALITI MUDA WA KUISHI NCHINI URUSI

Jasusi wa Marekani aliyeomba hifadhi baada ya kuvujisha siri za taifa lake amepewa ruhusa ya kuendelea kuishi Urusi kwa miaka mitatu zaidi.

Jasusi huyo Edward Snowden muda wake wa kuishi nchini Urusi ulikuwa umeisha tangu Julai 31, mwaka huu.

Snowden alikimbia Marekani tangu mwaka 2013 baada ya kuvujisha siri za Usalama wa Taifa wa Marekani zinazohusu udukuzi wa maongezi ya simu ya viongozi wa mataifa mengine.

Marekani imemfungulia Snowden mashtaka ya kuiba mali za serikali pamoja na kutoa siri nyeti za taifa.