WATUHUMIWA 19 WA MTANDAO WA MABOMU ARUSHA WAPANDISHWA KIZIMBANI

WATUMIWA 19 WANAOHUSISHWA KATIKA MTANDAO WA KULIPUA MABOMU KATIKA MIKUSANYIKO NA KUWAMWAGIA VIONGOZI WA DINI TINDIKALI WAMEPANDISHWA KIZIMBANI KATIKA MAHAKAMA YA HAKIMU MKAZI MKOA WA ARUSHA KUJIBU TUHUMA ZINAZOWAKABILI .

WATUHUMIWA HAO WANAUNGANISHWA NA WENZAO 22 AMBAO TAYARI WAMESHAFIKISHWA KWENYE MAHAKAMA HIYO KWA TUHUMA HIZO HIZO ZA KUENDESHA VITENDO VYA KIGAIDI KATIKA MAENEO MBAALIMBALI YA MKOA WA ARUSHA VIKIWEMO VYA ULIPUAJI WA MABOMU KWENYE MIKUSANYIKO NA KUWAMWAGIA VIONGOZI WA DINI TINDIKALI.
WATUHUMIWA HAO WAMEFIKISHWA KWENYE MAHAKAMA HIYO WAKIWA KATIKA ULINZI MKALI WA JESHI LA POLISI.

TOFAUTI NA ILIVYOKUWA HAPO AWALI,    ULINZI KATIKA MAHAKAMA HIYO ULIIIMARISHWA KWA KIASI KIKUBWA TANGU MAPEMA ALFAJIRI,   AMBAPO WATU WOTE WALIOKUWA WANAINGIA KWENYE LANGO LA MAHAKAMA HIYO WALIKAGULIWA NA VIFAA MAALUMU KAZI ILIYOKUWA INAFANYWA NA ASKARI WA VIKOSI MBAALIMBALI VYA ULINZI NA USALAMA.

PAMOJA NA HALI HIYO KATIKA MAENEO YOTE YA MAHAKAMA HIYO NA NJIA ZOTE ZILIZOKO KARIBU NA MAHAKAMA HIYO ZILIWEKEWA ULINZI WA KUTOSHA WAKATI WOTE KABLA NA BAADA YA WATUHUMIWA KUFIKISHWA ENEO HILO.

MIONGONI MWA MATUKIO WANAYOHUSISHWA NAYO WATUHUMIWA HAO NI PAMOJA NA MLIPUKO WA BOMU KATIKA KANISA LA OLASITI ,ULIPUAJI WA BOMU KATIKA MKUTANO WA CHADEMA KWENYE VIWANJA VYA SOWETO , ULIPUAJI WA BOMU KATIKA BAA YA ARUSHA NIGHT PARK ,MGAHAWA WA VAMA NA VITENDO VYOTE VYA KUWAMWAGIA TINDIKALI VIONGOZI WA MADHEHEBU YA DINI.

ULINZI UKIWA UMEIMARISHWA KATIKA MAHAKAMA YA HAKIMU MKAZI MKOA WA ARUSHA

                         PICHA / HABARI NA FREDY MARK, Rweyunga Blog - Arusha