MASHAMBULIZI YA AL-SHABAAB YASHUSHA IDADI YA WATALII KENYA

Idadi ya watalii wa kimataifa wanaowasili nchini Kenya, imeshuka kwa asilimia 13.1 katika nusu ya kwanza ya mwaka huu, kufuatia mashambulio yanayofanywa wapiganaji wa al-Shabaab wa Somalia.

Takwimu rasmi za Bodi ya Utalii Kenya, zimesema watalii walioingia Kenya katika miezi sita hadi Juni ni 428,585 ikilinganishwa na watalii 495,978 katika kipindi kama hicho mwaka jana.

Aidha ikilinganishwa na mwaka 2012, idadi ya watalii waliongia nchini Kenya katika kipindi cha Januari hadi Juni imeshuka kwa asilimia 24.