USALAMA WAIMARISHWA MOMBASA WAKATI MAMIA WAKIUAGA MWILI WA PROF. MAZRUI

Usalama umeimarishwa hii leo huko Mombasa Kenya wakati ambapo mamia ya waombolezaji wakiuaga mwili wa mwanazuoni maarufu Afrika Mashariki na duniani kwa ujumla marehemu Prof. Al-Amin Mazrui anayezikwa leo.

Mwili wa Profesa huyo wa sayansi ya siasa, aliyefariki dunia Oktoba 13 nchini Marekani umewasili leo majira ya saa tisa usiku, katika uwanja wa ndege wa kimataifa wa Moi, na kupelekwa kwenye nyumba yake iliyopo Old Town karibu na Fort Jesus.

Miongoni mwa watu waliokuwepo kuulaki mwili wa Prof. Mazrui ni pamoja na Mwanasheria Mkuu wa Kenya Willy Mutunga, aliyekuwa Kadhi mkuu Sheikh Hamad Kassim pamoja na Gavana wa Mombasa Hassan Joho, pamoja na ndugu na jamaa wa karibu wa marehemu.