WHO KUONGEZA JITIHADA ZA KUDHIBITI UGONJWA WA EBOLA AFRIKA MAGHARIBI

Shirika la Afya Duniani (WHO) itaongeza jitihada za kudhibiti ugonjwa wa Ebola usisambae nje ya nchi tatu za Afrika zilizoathiriwa zaidi na ugonjwa huo hatari.

Nchi 15 za Afrika zimepewa kipaumbele, afisa wa ngazi ya juu wa WHO, Isabbele Nutall ameuelezea mkutano na waandishi wa habari uliofanyika Jijini Geneva.

Nutall amesema mataifa hayo yatapatiwa msaada zaidi wa kudhibiti na kinga katika jitihada za kukabiliana na Ebola.

Hata hivyo Katibu Mkuu wa zamani wa Umoja wa Mataifa Bw. Kofi Annan amesema amekasirishwa mno na namna Jumuiya ya Kimataifa ilivyozorota kusaidia kudhibiti Ebola.