MSAFARA WA UMOJA WA MATAIFA WASHAMBULIWA SOMALIA, WATU KADHAA WAFARIKI DUNIA

Watu kadhaa wameripotiwa kuuawa baada ya kutokea mlipuko wa bomu la kujitoa muhanga karibu na msafara wa Umoja wa Mataifa uliokuwa unaelekea uwanja wa ndege mjini Mogadishu nchini Somalia leo. 

Shuhuda wa tukio hilo, Shamso Idle amesema kuwa, alishuhudia mlipuko mkubwa na baadaye moshi mkubwa kutanda angani. 

Idle amesema kuwa, baadaye aliwashuhudia watu wengi wakiwa wamelala chini aidha wakiwa wamefariki dunia au wamejeruhiwa.