BOMU LAUWA WATU KADHAA NA KUJERUHI WENGINE NCHINI YEMEN

Makumi ya watu wameuwawa ama kujeruhiwa katika mlipuko nje ya chuo cha polisi katika jiji la Sanaa nchini Yemen.

Taarifa zimeeleza kuwa bomu hilo lilikuwa kwenye gari lililipuliwa karibu na kundi la wanachuo, hata hivyo taarifa hizi bado hazijathibitishwa na mamlaka za nchi hiyo.

Mashahidi wamesema mlipuko huo uliweza kusikika katika eneo kubwa la Jiji la Sanaa, na moshi mkubwa umekuwa ukionekana.

Nchi ya Yemen imeendelea kuwa haijatulia tangu kuibuka maandamano mwaka 2011, yaliyomlazimisha rais aliyekuwa madarakani wakati huo Ali Abdallah Saleh kuachia madaraka.