MIILI MINGINE MINNE YAPATIKANA BAHARINI KATIKA MSAKO WA NDEGE YA AIRASIA

Miili minne zaidi ya watu imepatikana katika bahari ya Java wakati wa zoezi la kutafuta mabaki ya ndege ya AirAsia namba QZ8501 likiingia wiki ya pili.

Mkuu wa timu inayoendesha zoezi la kuitafuta ndege hiyo Bambang Soelistyo amesema hadi sasa miili 34 imepatikana ikiwemo na mabaki matano ya vipande vya ndege hiyo.

Hata hivyo hali mbaya ya hewa imewalazimisha wazamiaji kusitisha jaribio la kuifikia ndege hiyo kwenye eneo la chini ya bahari ambapo miili mingi ya watu inaaminika imekwama. Ndege hiyo ilianguka ikiwa na abiria 162.