AFYA YA BOBBY KRISTINA BADO SI NZURI LICHA YA USIRI KUTAWALA

Afya ya mtoto wa staa wa muziki Bobby Brown, Bobbi Kristina imeripotiwa kutokuwa na mabadiliko yoyote, taarifa inayokingana na ripoti zinazoendelea kusambaa kuwa baadhi ya viungo vyake vimeanza kuacha kufanya kazi na kuhatarisha zaidi uwezekano wa yeye kuendelea kuishi.

Chanzo cha karibu kabisa kutoka familia ya binti huyo kimeeleza kuwa, kumekuwa na changamoto kubwa ya kuibuka kwa habari za kupotosha kuhusu afya ya Bobbi Kristina, hali yake ikiwa haina mabadiliko yoyote huku familia ikiendelea kuwa karibu naye na matumaini ya kuimarika kwa afya yake yakiwa pale pale.

Bobbi Kristina ameendelea kupumua kwa msaada wa mashine tangu alipopatikana akiwa hajitambui katika sinki ya bafu nyumbani kwake Januari 31 mwaka huu.