EL CLASICO, FC BARCELONA YAIFUNGA REAL MADIRD 2-1

Mshambuliaji wa FC Barcelona, Luis Suarez akifurahi baada ya kuitungua Real Madrid kwa kufunga bao la pili katika dakika ya 56 huku akipongezwa na wachezaji wenzake. 

Timu ya soka ya FC Barcelona usiku wa kuamkia leo wameibuka na ushindi wa mabao 2-1 katika mchezo wa ligi kuu nchini Hispania "La Liga", mchezo ambao ulikuwa na ushindani wa hali ya juu. 

Mchezo huo maarufu kama El Clasico, ulishuhudia Barcelona wakiendelea kujiimarisha kileleni kwa tofauti ya pointi nne zaidi ya Madrid.

Cristiano Ronaldo akikimbia kwa furaha baada ya kufunga bao la kusawazisha katika dakika ya 31 ya mchezo huo uliomalizika kwa Real Madrid kulala 2-1 mbele ya Barcelona.