KENYA YAANZA KUONJA MAKALI YA KUPUNGUZWA KWA SAFARI ZA NDEGE KUJA DAR

Uamuzi wa Mamlaka ya Usafiri wa Anga ya Tanzania (TCAA) kupunguza safari za ndege za Shirika la Ndege la Kenya (KQ) kutoka 42 hadi kufikia 12, kulingana na sheria za usafiri wa anga zimeanza kuliathiri shirika hilo.

Tayari shirika hilo la ndege la taifa la Kenya limetangaza kuwastaafisha marubani wake waandamizi 10, ili kupunguza hasara itakayotokana na kupunguzwa kwa safari za ndege za shirika la KQ, kutoka 42 kwa wiki hadi 12.

Taarifa iliyotolewa na shirika hilo la Ndege Kenya kwa wateja imeeleza kuwa wamepunguza safari za kuja Dar es Salaam kutoka 42 hadi 12 kwa wiki, na litasafiri mara mbili kwa siku kuanzia jana 2015.