LIGI YA MABINGWA ULAYA, MANCHESTER CITY YAAGA HUKU SERGIO AGUERO AKIKOSA PENATI MUHIMU

Mshambuliaji wa FC Barcelona, Ivan Rakitic ( namba 4 kushoto ) akitumbukiza mpira nyavuni na kuiandikia timu yake bao katika kipindi cha kwanza huku mlinda mlango wa Manchester City, Joe Hart akiwa kaanguka chini akiuangalia mpira ukiingia golini.

Wakicheza katika uwanja wao wa nyumbani wa Camp Nou, FC Barcelona wametinga hatua ya robo fainali ya ligi ya mabingwa barani Ulaya, baada ya usiku wa kuamkia leo kuifunga Manchester City bao 1-0 katika mchezo wa marudiano wa ligi hiyo. 

Barcelona wamesonga mbele kwa idadi ya mabao 3-1, kwani katika mchezo wa kwanza, timu hiyo iliifunga Man City nyumbani kwao mabao 2-1. 

Goli pekee la mchezo huo wa jana lilifungwa katika dakika ya 31 ya kipindi cha kwanza cha mchezo huona Ivan Rakitic.

Pia ulikuwa ni usiku mbaya kwa mshambuliaji mwenye misuli wa Manchester City, SergioAguero baada ya kukosa penati, mpira wake ulipanguliwa na mlinda mlango wa FC Barcelona, Marc-Andre ter Stegen.

Watangazaji wa kituo cha Sky Sports, Jamie Redknapp, Thierry Henry na Jamie Carragher wakiwa katika uwanja wa Nou Camp wakifanya uchambuzi kabla ya mchezo kati ya FC Barcelona na Manchester City usiku wa kuamkia leo.

Benchi la Manchester City likiongozwa na kocha Manuel Pellegrini likiwa katika hali ya huzuni.