SENETA WA NAIROBI AMLIPIA FAINI KIKONGWE ALIYEFUNGWA KWA MGOGORO WA ARDHI

Seneta wa Jiji la Nairobi Mike Mbuvi 'Sonko' amefanikiwa kumuokoa kutoka jela Kikongwe mwenye umri wa miaka 100, aliyefungwa jela kutokana na kesi ya mgogoro wa ardhi.

Sonko ambaye jina hilo linamaana ya mtu mwenye fedha nyingi amelipa faini ya shilingi 100,000 za Kenya na kumtoa bibi huyo aliyekuwa tayari kakaa jela kwa siku mbili.

Seneta huyo ambaye ameunda timu maalum ya kuokoa na kutoa misaada kwa wahitaji, amefanya malipo ya faini hiyo kupitia kikosi chake cha magharibi mwa Kenya.